Shortcuts: WD:INTRO, WD:IGüiquidata:Entroduzión
Güiquidata es una basi de datus libri, calavorativa i multilingüi, que sirvi comu una basi de datus segundaria i qu'arrecopila datus estruturaus pa dal soporti a Güiquipedia, Güiquimedia Commons, assina comu a sotras güiquis del movimientu Güiquimedia i a cualquiel pressona nel mundu.
¿Lo qué senifica estu?
Veamus la declaración d'apertura con más detalli
- Libri. Los datus en Güiquidata están espubricaus baxu la licencia Creative Commons Dedicación al Dominio Público 1.0, lo que premiti la regastación delos datus en abondu ecenarius deferentis. Puei copial, morifical, destribuíl i presental los datus, mesmamenti con finis comercialis, sin mestel de pedil premissu.
- Calavorativa. Los datus son entroduzíus i manteníus polos editoris de Güiquidata, quien decedin las reglas de criación i gestión de conteníus. Los bots puestus utomáticus tamién engressan datus en Güiquidata.
- Multilingüi. La edición, el consumu, el landeru i la regastación delos datus es totalmenti multilingüi. Los datos entroduzius en cualquiel idioma están disponiblis de horma imediata en tolas otras idiomas. La edición en cualquiel idioma es possibli i promovía.
- Una basi de datus segundaria. Güiquidata no solu registra declaracionis, sino tamién sus huentes i uñionis a sotras basis de datus. Estu refrexa la diversidá de conocencia disponibli i respalda la noción de verificabilidá.
- Recopila datus estruturaus. La imposición dun altu grau d'organización estruturá premiti una faci regastación de datus por parti delos proyeutus de Güiquimedia i de tercerus, i premiti que los ordenaoris la processin i "entiendan".
- Soporti alas güiquis de Güiquimedia. Güiquidata ayúa a Güiquipedia colas fichas d'enhormación i atijus a sotras idiomas, más fácilis de mantenel, lo que reduzi la carga de trebaju d'edición i amejora la calidá. Las atualizacionis nuna idioma están disponiblis pa tolas demás idiomas.
- Cualquiel pressona nel mundu. Cualquiera puei gastal Güiquidata de deferentis maneras gastandu la su enterfás de pogramación d'apricacionis.
¿Lo cómu enhunciona Güiquidata?
Güiquidata es un repositoriu central d'almacenamientu al que sotrus puein acedel, comu las güiquis que mantieni la Hundación Wikimedia. El conteníu cargau dinámicamenti dendi Güiquidata no precisa mantenel-si en ca proyeutu güiqui endividual. Un soponel, estaísticas, fechas, assitiacionis i sotrus datus corrientis se puein centraliçal en güiquidata.
El repositoriu de Güiquidata
El repositoriu Güiquidata costa mayolmenti d' elementus, ca unu conteniendu una etiqueta, una descrición i cualquiel númiru d'alias. Los elementus son entificaus de manera única por un prefiju Q seguíu por un númiro, comu Douglas Adams (Q42).
Las declaracionis descrivin caraitirísticas detallás de ca elementu i costan duna propiedá i un valol. Las propiedás en Güiquidata tien un prefiju P seguíu dun númiro, comu con educated at (P69).
Pa una pressona, pueis añidil una propiedá p'endical óndi s'educó, especificandu el valol del centru educativu. P'edificius, pueis assisnal propiedás de coordinás geográficas endicandu los valoris de longitú i latitú. Las propiedás tamién puein atijal-si a basis de datus d'ahuera. Una propiedá qu'atija un elementu a una basi de datus d'ahuera, comu a una basi de datus de control de utoridás gastá por bibliotecas i archivus, se llama un entificaol. Los atijus de sitiu especialis uñin un elementu al conteníu correspondienti en güiquis de criyentis, comu Güiquipedia, Güiquibooks o Güiquiquote.
Toa esta enhormación se puei vel en cualquiera idioma, anque los datus se dimanan nuna idioma deferenti. Al acedel a estus valoris, las güiquis de criyenti muestrarán los datus más atualizaus.
| Elementus | Propiedá | Valol |
|---|---|---|
| Q42 | P69 | Q691283 |
| Douglas Adams | educated at | St John's College |
Trebajandu con Güiquiidata
Ain varias maneras d'acedel a Güiquidata gastandu achiperris integrás, achiperris d'ahuera o entrefacis de pogramación.
- Güiquidata Query i Reasonator son angunas dealas achiperris más popularis pa landeal i dessaminal elementus de Güiquidata. La página d' achiperris tien una ampria lista de proyeutus interessantis pa esploral.
- Las güiquis de criyentis puein acedel alos datus de las sus páginas por mé duna entrefás Lua Scribunto. Pueis recuperal tolos datus de horma endependienti por mé dela API de Güiquidata.
Pondi escomençal
Las vesitas guiás de Güiquidata, inseñás pa nuevus usuarius, son el mejol lugal pa deprendel más sobri Güiquidata.
Angunus atijus pa escomençal:
- Ahorma las tus ociones d'usuario, mayolmenti la destensión 'Babel', pa escogel las sus preferencias d'idioma
- Ayúa colas etiquetas i descricionis que haltan
- Ayúa colos confritus d'entregüiquis i las enviolacionis de restricionis
- Amejoral un elementu al azal
- Ayúa a traduzil
¿Lo cómu pueu contribuil?
Apopa-ti i escomiença a edital. La edición es la mejol manera de deprendel sobri la estrutura i los conceutus de Güiquidata. Si quieis alcançal una comprensión delos conceuths de güiquidata por delantadu, es posibli que quieas echal una güipá alas páginas d'ayúa. Si tienis perguntas, por favol siéntei-ti libri de dexal-las nel Café o pontei en contatu col equipu de desenreu.